ត្រៀមខ្លួនរួចឬនៅដើម្បីចូលប្រយុទ្ធជាមួយកំពូលវីរបុរសទាំង 4? បើរួចរាល់ហើយ ប្រិយមិត្តខេមបូរីផត នឹងពេញចិត្តជាមួយហ្គេម Marvel Run Jump Smash! ថ្មីមួយនេះមិនខាន ដោយវាត្រូវបានបង្កើតឡើងដោយក្រុមហ៊ុនផលិតហ្គេម Marvel រួមជាមួយបច្ចេកវិទ្យាក្រាហ្វិច 2D មានពណ៌ធម្មជាតិស្រស់ស្អាត ព្រមទាំង Effects ហ្គេម ដែលមើលទៅរស់រវើក រួមជាមួយក្បាច់ប្រយុទ្ធប្លែកៗគួរអោយចង់លេង។
Marvel Run Jump Smash គឺជាប្រភេទហ្គេម Endless Run ដោយអ្នកលេងហ្គេមទាំងអស់អាចធ្វើការជ្រើសរើស Hero ពិសេស 1 ក្នុងចំនោម 4 ដែលមានកម្លាំងខ្លាំង និងមានសមត្ថភាពផ្សេងៗគ្នា។ ក្នុងនោះរួមមាន Iron Man អាចហោះហើរបាន Incredible Hulk មានកម្លាំងខ្លាំងមហិមា Captain America កំពូលហក់លោត និង Super Spy Black Widow ជំនាញខាងរត់ និងប្រើប្រាស់អាវុធ។
ហ្គេមថ្មីមួយនេះនឹងនាំអ្នកទាំងអស់គ្នាទៅកាន់ពិភពសង្គ្រាមជាច្រើនប្លែកៗ ពោរពេញទៅដោយពួកបីសាច និងសត្រូវយ៉ាងច្រើន ដោយអ្នកត្រូវកំទិចពួកវាអោយអស់ ព្រមទាំងប្រមូលកាក់ និងផ្កាយមាស ដើម្បីយកពិន្ទុ និងសន្សំលុយទុកទិញ ឬប្រើប្រាស់តម្លើងកម្លាំងផ្សេងៗផងដែរ។ លើសពីនេះទៅទៀតអ្នកក៏មានសិទ្ធ Unlock តួអង្គហ្គេមផ្សេងៗទៀតជាច្រើនដូចជា Spider-man, Hawkeye, Thor និង Captain Marvel ដែលញាំងអោយសាច់ហ្គេមទាំងមូលកាន់តែចាប់អារម្មណ៍ថែមមួយកំរិតទៀត។
យើងជឿជាក់ថាហ្គេម Marvel Run Jump Smash នេះនឹងធ្វើអោយអ្នករីករាយ ជាមួយរូបភាពបែបតុក្កតា ដែលអាចជួយរំសាយទុកកង្វល់របស់អ្នកបាន។