ជាបណ្ដាញពត៌មានបច្ចេកវិទ្យាធំជាងគេនៅប្រទេសកម្ពុជា ដែលបានធ្វើការផ្សព្វផ្សាយនូវ ពត៌មានបច្ចេកវិទ្យាជុំវិញពិភពលោកដែលទាក់ទងទៅនឹង ទូរស័ព្ទ កុំព្យូទ័រ កាមេរ៉ា កម្មវិធី&ហ្គេម ភាពយន្ត និងចំនេះដឹងខាងបច្ចេកវិទ្យា។
ដោយសារតែវិស័យបច្ចេកវិទ្យាគឺជាវិស័យមួយដែលកំពុងតែមានសន្ទុះយ៉ាងខ្លាំងនៅទូទាំងពិភពលោក ដូចនេះក្រុមការងាររបស់ពួកខ្ញុំបានចំនាយពេលអស់រយៈពេលជាងបីឆ្នាំ ដើម្បីស្វែងយល់ និងក្រេបយកចំនេះដឹង បទពិសោធន៍ជុំវិញបច្ចេកវិទ្យា ហើយបានសំរេចរួមគ្នាបង្កើតគេហទំព័រនេះ ក្នុងគោលបំណងចង់ផ្សព្វផ្សាយនូវពត៌មានបច្ចេកវិទ្យាទាន់ហេតុការណ៍ និងចែករំលែកបទពិសោធន៍ដែលពួកខ្ញុំមាន ជូនដល់អ្នករាល់គ្នា។
អ្នកអាចធ្វើការស្វែងយល់ពីលក្ខណៈសម្បត្តិរបស់ផលិតផលនានាដូចជា ទូរស័ព្ទ កុំព្យូទ័រ កាមេរ៉ា តាមគេហទំព័រនេះផ្ទាល់តែម្តង ជាមួយនឹងគន្លឹះសំខាន់ៗដែលអាចជួយដល់ការដោះស្រាយរាល់បញ្ហាទាក់ទងនឹងផលិតផលរបស់អ្នក ហើយពួកយើងក៏បានធ្វើការវិភាគ និងផ្ដល់យោបល់ ដើម្បីជំនួយដល់ការសំរេចចិត្តជ្រើសរើសផលិតផល អោយសមទៅតាមតំរូវការ និងតំលៃដែលអ្នកចង់បាន។
ក្រុមការងាររបស់ Cambo Report បានចំនាយពេលក្នុងការច្នៃប្រឌិតថ្មី ជាមួយនឹងការថតវីដេអូខ្លីពីការបង្ហាញផលិតផលថ្មី ទាំងលក្ខណៈសម្បត្តិ របៀបប្រើប្រាស់ និងការវាយតម្លៃ ដែលពួកយើងបានសំរិតសំរាំងសំរាប់ប្រិយមិត្តទាំងអស់។ សំរាប់ផ្នែកពត៌មានវិញ ពួកយើងក៏មានការបង្ហាញជាលក្ខណៈវីដេអូផងដែរ ដោយធ្វើការអធិប្បាយផ្ទាល់ពីក្រុមការងារយើងខ្ញុំ។
រីឯវិស័យហ្គេមវិញ ក៏កំពុងពេញនិយមដែរសំរាប់មនុស្សគ្រប់វ័យ មិនថានៅលើទូរស័ព្ទដៃ កុំព្យូទ័រ ឫម៉ាស៊ីនហ្គេមឡើយ អ្នកទាំងអស់គ្នាអាចតាមដាននូវពត៌មាន និងការពិពណ៌នារបស់ហ្គេមគ្រប់ប្រភេទ តាមរយៈអត្ថបទពន្យល់យ៉ាងក្បោះក្បាយ ជាមួយនឹងរូបភាពដែលទាក់ទង។ លើសពីនេះ សំរាប់ប្រិយមិត្តដែលចូលចិត្តតាមដានភាពយន្ត ជាពិសេសភាពយន្តហូលីវូត អ្នកអាចកំសាន្តជាមួយ ឈុតខ្លីៗ និងការពិពណ៌នាខ្សែភាពយន្តល្បីៗជុំវិញពិភពលោកផងដែរ។
Cambo Report សូមថ្លែងអំណរគុណប្រិយមិត្តទាំងអស់ដែលជួយគាំទ្រ គេហទំព័ររបស់ពួកខ្ញុំ ហើយគោលបំណងធំរបស់យើងគឺ ចង់ចែករំលែកបទពិសោធន៍ដែលពួកយើងមាន ស្វែងយល់ពីតម្រូវការនិងចំនូលចិត្តអ្នកទាំងអស់គ្នា ព្រមទាំងធ្វើជាអ្នកផ្តល់ដំណោះស្រាយរាល់បញ្ហានានាជូនដល់អ្នកផងដែរ។ Cambo Report នឹងព្យាយាមបន្ថែមទៀត ក្នុងការស្វែងរកអ្វីដែលថ្មីហើយប្លែក ដើម្បីបំពេញតំរូវការអ្នកទាំងអស់គ្នា ហើយពួកយើងរីករាយនឹងទទួលនូវការកែលំអ កំហុសឆ្គងពីសំណាក់ មិត្តអ្នកអានទាំងឡាយ។